Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në përkujtim të kësaj dite të rëndësishme që parapriu çlirimit kombëtar, bashkia e Durrësit ka organizuar një ceremoni solemne, ku ka marrë pjesë edhe kryetari i Shqipërisë, Bajram Begaj dhe kryebashkiakja Emiriana Sako. Jemi të nderuar të përsërisim sot, 111 vjet më pas, me solemnitet dhe përgjegjësi, aktin historik që kreu kryetari i parë i bashkisë së Durrësit, Hafiz Ali Podgorica tha Sako në fjalën hapëse, ndërsa presidenti Begaj e cilësoi Durrësin qyteti i parë i rilindjes sonë. Ai shprehu mirënjohje për sakrificat që durrsakët kanë bërë gjithmonë për të mirën e vendit dhe mençurinë që kanë treguar, duke kapërcyer çdo ndasi për interesin kombëtar. Do t’u jemi gjithmonë mirënjohës qytetarëve të trevës së Durrësit, atdhetarë kurajozë në përpjekjet sfiduese për hapjen e shkollave shqipe dhe ruajtjen e gjuhës, veprimtarë të çështjes kombëtare me angazhimin e tyre si pjesë e lëvizjes mbarëkombëtare për liri e pavarësi, saktësoi, Bajram Begaj.
