Gjatë ditës së sotme kryesuesi i Kuvendit të Komunës së Ferizajt Xhavit Zariqi, bashkë me anëtaret e Komitetit për Politikë dhe Financa si dhe drejtoren e financave Sebahate Ajeti-Sadiku, ka mbajtur konsultimin publik për Kornizën Afatmesme Buxhetore 2025-2027.
Të pranishmit në këtë konsultim publik janë njoftuar sa i përket këtij dokumenti shumë më rëndësi, nga ana e kryesuesit dhe drejtores së financave.
Qytetarët e pranishëm në këtë konsultim publik kanë paraqitur edhe kërkesat e tyre në mënyrë që të inkorporohen në kuadër të Kornizës Afatmesme Buxhetore për tri vitet e ardhshme.
Kërkesat kryesore ishin rregullim rrugësh, trotuare, fusha sportive, rregullim dhe meremetim i shkollave si dhe hapjen e rrugëve të arave.