leoni

Në Ferizaj nisë gara e Kampionatit të Kosovës në çiklizëm

27/05/2016 Institucionet

Në Ferizaj nisë gara e Kampionatit të Kosovës në çiklizëm, ky kampionat për herë të parë po mbahet në bazë të rregullave të Unionit Ndërkombëtar të Çiklizmit.

Në këtë kampionat po marrin pjesë  këto ekipe: ”Prizreni” nga Prizreni, “Gjakova” nga Gjakova “As Prishtina” nga Prishtina, “Trepça”- nga Mitrovica “Lepenci” nga Shtërpca, “ dhe “Kastrioti” nga Ferizaj.

Të pranishmit në hapjen e kësaj gare i ka përshëndetur kryetari i  Federatës së Çiklizmit të Kosovës, Avni Nuha. Ai më këtë rast ka falënderuar Komunën e Ferizajt dhe kryetarin Svarqa për kontributin e dhënë në organizmin e kësaj gare.

“Pa përkrahjen e kryetarit dhe Komunës së Ferizajt kjo garë nuk do të mbahej edhe pse është njëra ndër garat më të rëndësishme të çiklizmit në Kosovës”, ka thënë Nuha.

Ndërkaq kryetari i Komunës së Ferizajt, Muharrem Svarqa, ka thënë se kjo ngjarje është shumë e rëndësishme  që po i jep një histori tepër të veçantë qytetit tonë.

“Unë dua të falënderojë drejtorin e sportit Naim Feratin  për organizimin e kësaj ngjarje  dhe kryetarin e Federatës së Çiklizmit të Kosovës, Avni Nuha i cili ka bërë gjithçka për ndërkombëtarizimin e këtij sporti, duke e vënë edhe këtë sport të rëndësishëm në arenën ndërkombëtare,  aty ku po synojmë të arrimë të gjithë si rezultat edhe i pranimit në asociacionet ndërkombëtare që po ju ndodhë edhe sporteve më të fuqishme tek të cilët,  ne do të shohim se ku jemi duke u matur, krahasuar dhe garuar me ta. Kjo është tepër e rëndësishme për të gjithë ne,  edhe sportet siç është çiklizmi i cili gjerë më tani nuk ka pasur ndonjë shtrirje shumë të gjerë në hapësirat e Kosovës, ndërkaq  tash të jetë i pranishëm çdo kund sepse qyteti i Ferizajt edhe si komunë ka pasur një traditë të këtij sporti bashkë me Federatën e cila po organizohet duke qenë pjesëmarrës në Lojërat Olimpike në BAKU,  ku kemi pasur një nder të veçantë duke pasur përfaqësuesin tonë në ato gara”, ka thënë kryetari Svarqa.

Ai mes tjerash ka thënë se  Komuna e Ferizajt po përcjellë me vëmendje zhvillimet  në të gjitha sportet që sipas tij Kosova nuk do të ngelë mbrapa sa i takon arritjes së rezultateve në arenën ndërkombëtar.

Kjo garë do të zhvillohet në tri etapa,  për tri kategori atë të elitës juniorëve dhe kadetëve disiplinën kornometër dhe individuale.

Kontrolloni gjithashtu

Bizneset paralajmërohen se do të gjobitën nëse nuk mirëmbajnë hapësirat para lokaleve të tyre

Drejtoria e Shërbimeve Publike e Komunës së Malishevës njofton të gjitha subjektet afariste që operojnë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara