Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në sallën e Kuvendit të Komunës në Ferizaj të enjtën u bë prezantimi i veprave të doajenit të gazetarisë, Fahri Musliu, takim ky i organizuar nga Drejtoria e Kulturës Rinisë dhe Sportit në bashkëpunim me klubin “De Rada”. Veprat: “Zyber Kryeziu (Baca) – Atdhetar i paepur i Opojës (2006), “Masakra e Suharekës – Mars 1999” (2006), “Bekim Fehmiu – Odiseu i Kosovës” (2015), “Proceset e kurdisura kundër shqiptarëve të Kosovës 1999-2001” (2023), “Kosova nyjë e (pa) zgjidhur” (2023), “Bekim Fehmiu – Uliksi shqiptar i filmit” (2023), “Në mes frikës dhe shpresës – Ditar në kohën e pandemisë mars 2020 – shtator 2022” (2024) e përbëjnë opusin krijues të Fahri Musliut të cilat të pranishmit patën rastin t’i sigurojnë për bibliotekat e tyre. Për këto vepra folën: Sylejman Shaqiri, Enver Zhinipotoku dhe Sylejman Dërmaku. Një biografi e shkurtër e z.Musliu u lexua nga Zyrafete Shala, e cila edhe e moderoi këtë takim, ndërsa në pjesën e fundit u zhvillua një bashkëbisedim mes autorit të veprave dhe publikut.
