Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në gjykatën speciale në Hagë, është marrë vendimi për pranimin e dëshmive të 9 dëshmitarëve me shkrim në rastin gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit. Vendimi u mor më 14 shkurt, pasi Zyra, kërkoi pranimin e dëshmive të dhjetë dëshmitarëve. Kjo është bërë e mundur përmes rregullës 153, e cila lejon pranimin e dëshmive të dëshmitarëve pa nevojën e paraqitjes së tyre fizike në gjykatë, përveç rasteve kur ata nuk kanë informacion për veprimet dhe sjelljet kriminale të të akuzuarve. ZPS kërkoi që disa dëshmitarë të përfshihen me shkrim, ndërkohë që mbrojtja e Thaçit ka vendosur disa kushte për pranimin e dëshmive të caktuara, të cilat janë pranuar nga gjykata. Disa dëshmi janë hedhur poshtë, ndërsa disa janë pranuar me kushte. Për çështjen e Thaçit dhe të tjerëve, një dëshmitar i mbrojtur ka dhënë dëshmi këtë javë, duke përshkruar keqtrajtimin dhe arrestimin nga anëtarët e UÇK-së në vitin 1998. Në lidhje me zhvillimet e tjera të këtij procesi, Prokuroria ka njoftuar se nuk do të thërrasin më dëshmitarë pas datës 4 prill 2025.
