Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Gjykatën Speciale, në Hagë, ka filluar paraqitjen dëshmitarja e 49-të e Zyrës së Prokurorit në gjykimin kundër krerëve të UÇK-së: Hashim Thaçi, Kadri Veseli, Jakup Krasniqi dhe Rexhep Selimi. Kjo dëshmitare me masa mbrojtëse është duke dëshmuar në sesion privat për publikun. Mirëpo, sipas përmbledhjes së lexuar nga përfaqësuesit e Zyrës së Prokurorit, ajo do të flas lidhur me pretendimet për një vrasje që përmendet në aktakuzë për të cilën thuhet se është vrarë, pasi që është marrë dhe është dërguar në UÇK në zonën e Llapit. Dëshmia, thuhet se përshkruan rrethanat që kanë të bëjnë me këtë ngjarje dhe çfarë i kanë thënë familja e saj dhe rrethanat që kanë ndikuar mbi të”, tha përfaqësuesja e Zyres. Dëshmitarja ishte në sesion privat dhe nuk dihet sa kohë ka paraparë Prokurori dhe ekipet e mbrojtjes, për ta marrë në pyetje atë.
