Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Gjykatën Speciale, në Hagë, sot ka vazhduar procesi gjyqësor kundër epr0rit të Ushtrisë Çlirimtare të Kosovës, Pjetër Shala. Në seancën e sotme në gjykatoren e Hagës mbrojtja e Shalës ka nisur parashtrimin e kundra-pyetjeve drejtuar dëshmitarit të Zyrës së Prokurorit, eksperti mjeko-ligjor, Marek Gasior. Avokati i Pjetër Shalës, Muhamed Hedi Auini deklaroi se brenda një seance do t’i përfundojnë pyetjet drejtuar dëshmitarit. Përpara se të nisi mbrojtja e Shalës me pyetjet e saj, trupi gjykues mori dy urdhra gojorë që kanë të bëjë me prova materiale. I pari urdhër gojor ishte për Zyrën Administrative për caktimin e një numri të një prove materiale e cila ishte kërkesë e Prokurorisë. Ndërsa, me urdhrin e dytë, trupi gjykues aprovoi kërkesën e mbrojtjes së Pjetër Shalës për të shtuar një material në listën e materialeve që do t’i bëjnë pyetjet dëshmitarit të sotëm, i cili është ekspert mjeko-ligjor.
