leoni

Në Gllogjan u shënua “Epopeja e Dukagjinit”

26/03/2018 Institucionet

Me aktivitete të ndryshme, sot në Gllogjan po përkujtohet 20 vjetori i betejës së zhvilluar në këtë fshat në mes të Ushtrisë Çlirimtare të Kosovës dhe forcave të shumta serbe. Duke folur për “Epopenë e Dukagjinit”, përfaqësuesi i familjes emblematike të kombit, Jashari, Rifat Jashari tha se Gllogjani sot po përkujton bijtë dhe bijat më të mira të kombit. Ndërkohë, gjatë fjalës para masës protestuese, kryeministri, Ramush Haradinaj theksoi se aty ku është Rifat Jashari, aty është shqiptaria. Ai shtoi më tutje se ka filluar mijëvjeçari i kombit shqiptar dhe shtoi më tutje se Kosova e pavarur shumë shpejt do ta ketë edhe ushtrinë e saj. Zëvendës kryeministri, Fatmir Limaj tha se lufta heroike e filluar në Prekaz na bëri që të luftojmë edhe në Gllogjan dhe të mos ndalemi deri në çlirimin e vendit. Për betejën e Gllogjanit dhe Epopenë e Dukagjinit foli edhe kryetari i Komunës së Deçanit, Bashkim Ramosaj. Ai solli në kujtesë luftën e Dukagjnit dhe betejën e Gllogjanit më 24 mars të vitit 1998 dhe përkujtoi dëshmorët e rënë në luftën çlirimtare. Në kuadër të aktiviteteve për të shënuar 20 vjetorin e betejës së Gllagjanit dhe Epopesë së Dukagjit u dha edhe një program kulturo-artistik.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara