Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me anë të këtij emaili ju njoftojmë se Instituti i Evropës Juglindore për Politika Shëndetësore dhe Sociale në bashkëpunim me Kolegjin Heimerer, oganizon Simpoziumin e 12-të Ndërkombëtar për Shkenca Shëndetësore, i cili do të mbahet në platformën online ZOOM, duke filluar nga ora 08:30 deri në 18:00, e shtunë, në datë 18 Shtator 2021.
Këtë vit tema e simpoziumit është: “Ndikimi dhe mësimet e nxjerra nga kriza me pandeminë COVID-19 në fushën e shkencave shëndetësore”. Kjo konferencë synon të kontribuojë në zgjerimin e njohurive mbi ndikimin e COVID-19 në shkencat shëndetësore dhe mënyrat e mundshme në të cilat mund të menaxhohet kjo situatë.
Kjo konferencë do të sjellë së bashku zyrtarë të shëndetit publik, studiues dhe mjekë për të ndarë informacione, gjetje dhe histori nga pandemia COVID-19. Së bashku, ne përpiqemi të rrisim njohuritë, të mësojmë dhe të ndikojmë pozitivisht në përgjigjen tonë ndaj kësaj pandemie.
Nëpërmjet organizimit të këtij simpoziumi shkencor, ne gjithashtu synojmë të bashkojmë të gjithë akterët përkatës lokalë dhe rajonalë, në mënyrë që t’u sigurojmë atyre mundësinë për të shkëmbyer, diskutuar dhe debatuar gjetjet më të fundit në fushën e kërkimit mbi COVID-19.
