Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Komandën e Forcave Tokesore në Burim është mbajtur gara ekipore “Ujku Garues 2020” ku morën pjesë 14 ekipe të njësive të Forcës së Sigurisë së Kosovës. Hapjen e garës e bëri Komandanti i KFT-së Gjeneral brigade Fadil Hadergjonaj i shoqëruar nga Drejtori i NALT Gjeneral brigade Frank BEST, gjeneral Hadregjonaj ju uroi suksese pjesmarrësve, ndërsa stafit të intruktorëve i kërkoi profesionalizëm dhe integritet të lartë në kryerjen e detyrës, më pas së bashku përcollën realizimin e garës. “Ujku Garues” për herë të parë është mbajtur në vitin 2015 si rezultat i shkëmbimit të përvojave mes nënoficerëve të FSK-së dhe atyre të kontigjentit Slloven.
Garën e karakterizon aspekti organizativ, vlerësues, shpirti garues, profesionalizmi dhe angazhimi maksimal i ekipeve. Ekipet garuese sfidohen në nëntë disiplina: vrapimi 3.2 KM, vëzhgimi, zhvendosja e blindës, kalimi i zonës së rrezikshme, bartja e municionit, qitja me armë , hedhja e granatës, bartja e të lënduarit, kalimi i zonës së minuar. Sot në ceremoninë e ndarjes së qmimeve të pranishëm ishin: Gjeneralmajor Enver Cikaqi, Komandanti i Gardës Gjeneral brigade Xhevahir Geci, Kolonel Mehmet Lladrofci, RRM FSK Genc Metaj, Komandantet e Regjimenteve të KFT dhe Rreshterë majorët e njësive.
Tri qmimet e para shkuan për ekipet:
Vendi i parë njësia KOMANDO Beretat e Gjelbërta
Vendi i dytë K2B Regjimenti i 2-të i Këmësorisë
Vendi i tretë KMB Regjimenti i 1-rë i Këmbësorisë
