Në Komunën e Hanit të Elezit ofrohen shërbime nga Zyra për Ndihmë Juridike Falas

10/12/2021 Institucionet

Kryetari i Komunës së Hanit të Elezit Mehmet Ballazhi i shoqëruar nga Nënkryetari Sevdi Dernjani dhe Drejtoresha për Shëndetësi dhe Mirëqenie Sociale znj.Kimete Kuka Hasallari, pritën në takim informues z.Genc Kadriun -zyrtar ligjor në zyrën për ndihmë juridike falas.

  1. Kadriu i njoftoi Zyrtarët e lartë të Komunës së Hanit të Elezit lidhur funksionimin e kësaj zyreje dhe bëri të ditur se nga ndihma juridike falas mund të përfitojnë qytetarët që nuk kanë mjete të mjaftueshme financiare.

Ndërsa Kryetari Ballazhi duke falënderuar Zyrën për Ndihmë Juridike Falas për angazhimin e tyre edhe në Komunë e Hanit të Elezit u zotua që të ofroj tërë përkrahjen e nevojshme që kjo zyre të arrij qëllimin e duhur duke e vlerësuar se do të jetë një ndihmesë e madhe për banorët e komunës.

Në këtë takim u konfirmua bashkëpunimi mes këtyre dy institucioneve.

Zyrtari për Ndihmë Juridike Falas, Genc Kadriu, tregoi edhe për kriteret që duhet të plotësojnë qytetarët për të marrë Ndihmë Juridike Falas si dhe për cilat çështje mund të drejtohen pranë kësaj zyre. Zyra Rajonale për Ndihmë Juridike Falas ofron këto shërbime:

– Nëse keni probleme nga marrëdhënia familjare;

– Nëse keni çështje të pazgjidhura pronësoro-juridike;

– Nëse keni probleme nga marrëdhënia e punës;

– Nëse dikush është në marrëdhënie detyrimore me ju;

– Nëse keni kërkesa që duhen të zgjidhen te organet administrative;

– Nëse duhet të zhvilloni procedurë gjyqësore ose dikush po zhvillon procedurën gjyqësore kundër jush;

– Nëse jeni të arrestuar apo të paraburgosur.

Agjencia për Ndihmë Juridike Falas është e përkushtuar të realizoj misionin e saj madhor në ofrimin e shërbimeve të ndihmës juridike falas të gjithë qytetarëve, të cilët për shkak të mungesës së mjeteve financiare nuk kanë pasur mundësi të i realizojnë të drejtat e tyre.

Zyra Rajonale për Ndihmë Juridike Falas në Han të Elezit do të jetë e hapur çdo të Enjte dhe të Premte në objektin përballë Komunës.

Fotografia e Komuna Hani i Elezit

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara