leoni

Në komunën e Rahovecit mbahet mbledhja e KKSB, e treta për këtë vit

14/05/2024 Institucionet

Kryesuesi i mbledhjes, Kryetari i Komunës së Rahovecit, Smajl Latifi, theksoi se situata e përgjithshme në komunën e Rahovecit në bazë të argumenteve dhe burimeve që i posedojmë është stabile, e qetë dhe pa ndonjë ndryshim të theksuar prej takimit të fundit të mbledhjes së KKSB-së, që është mbajtur në mars. Kjo është mbledhja e tretë për vitin 2024, gjithmonë sipas planit të ri dhe angazhimeve të reja.

Në këtë mbledhje u diskutua rreth çështjeve:

Vlerësimit të përgjithshëm të gjendjes së sigurisë në komunën e Rahovecit;

Siguria dhe kontrolli i shpeshtë në trafik;

Raportimin e shkeljeve ligjore;

Identifikimi i çështjeve problematike që ndikojnë në sigurinë publike ndëretnike;

Regjistrimi i popullsisë kudo, në qytet dhe fshat;

Vetëdijesimi për mbrojtje nga zjarri gjatë sezonës verore;

Trajtimi i objekteve të braktisura dhe objekteve të vjetra;

Problemi me ujë të pijes – menaxhimi;

Mbrojtjen e lumenjve që rrjedhin – ndalimi i hedhjes së mbeturinave;

Përpjekja intensive për ushqim më cilësor me siguri me të lartë (siguria dhe kontrolli i produkteve ushqimore).

Komandanti i stacionit policor në Rahovec, z. Fazli Morina, si zakonisht raportoi rreth situatës së sigurisë në komunën tonë me statistika si në vijim:

Kanë ndodhur 60 vepra penale, 7 incidente jo penale.

4 vjedhje, dhunë në familje 12 raste, armëmbajtje pa leje 3 raste, 6 raste janë për kanosje.

Janë ndaluar në mbajtje për 48 orë, 17 persona dhe janë arrestuar 32.

Sa i përket sigurisë në komunikacion rrugor;

Janë dhënë 1261 gjoba në komunikacion rrugor. Prej tyre, 52 gjoba janë shqiptuar për drejtimin e automjetit pa patentë shofer, 120 gjoba për parkingje joadekuate.

Kryetari i komunës vlerësoi lart punën e policisë, duke e cilësuar si më të mirën në rajon. Në fund të mbledhjes, Kryetari Latifi, falënderoi të gjithë anëtarët e KKBS-së për konstruktivitetin, angazhimin dhe punën e bërë.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara