Në komunën e Vitisë deri më sot janë regjistruar 6 familje të ardhura nga Shqipëria

03/12/2019 Institucionet

Me një vendim të kryetarit të komunës së Vitisë Sokol Haliti, pos që është formuar Komisionin Komunal për mbledhjen e ndihmave për Shqipëri, gjithashtu është formuar edhe Komisionin Komunal për regjistrimin e qytetarëve të ardhur nga Shqipëria në Komunën e Vitisë. Këto dy komisione janë takuar dhe kanë bashkërenditur aktivitetet që do të realizojnë në mbështetje të qytetarëve të Shqipërisë. Koordinatori për regjistrimin e të ardhurve nga Shqipëria, Sami Demelezi, ka bërë të ditur se deri më sot janë regjistruar 6 familje në Viti, tê cilat janë vendosur në familjet mikpritëse vitiase. Ndërkohë ka bërë apel që në rast se ka qytetarë tjerë që kanë ardhur apo do të vijnë, të lajmërohen tek ky komision për regjistrim. Gjatë ditës së djeshme, disa anëtarë të dy komisioneve kanë vizituar familjet e ardhura në fshatin Remnik (tek Lulzim Neziri) dhe në Viti, ku janë njohur për së afërmi me nevojat e tyre. Gjithashtu, ju është ofruar edhe mbështetja shëndetësore sipas nevojës. Komisioni për mbledhjen e ndihmave vazhdon me aksionin deri me 6 dhjetor , ku mbledhja e ndihmave është duke u bërë nga Shoqata “Nënë Tereza ” dhe OJQ “Kryqi i Kuq “, tek objekti i zjarrfikësve në Viti.

Kontrolloni gjithashtu

Themelohet Zyra për Ndihmë Juridike Falas në Komunën e Rahoveci

Kryetari i komunës së Rahovecit, z. Smajl Latifi, të premtën mori pjesë në tryezën për …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara