Në komunën e Vitisë u mbajt punëtoria në mes të qytetarëve dhe zyrtarëve komunal për draftimin e Agjendës së Kontratës Sociale

06/03/2024 Institucionet

Sot në komunën e Vitisë është mbajtur një punëtori përcjellëse për draftimin e Agjendës së Kontratës Sociale, ku në këtë takim u bënë bashkë zyrtarë komunal dhe qytetarë të kësaj komune për të bashkëpunuar në implementimin e saj. Me këtë rast i pranishëm në këtë punëtori ishte edhe kryetari i komunës së Vitisë, Sokol Haliti. Ai i përshëndeti të pranishmit duke folur edhe për rëndësinë e zbatimit të këtij projekti që mbështetet nga USAID. “ Falënderoj të gjithë ata që kanë mundësuar të implementojmë këtë projekt në komunën e Vitisë, që për ne ka një rëndësi të veçantë. Gjithashtu ju bëjmë me dije se mbështesim fuqishëm implementimin e projekteve që janë propozuar dhe votuar nga vet qytetarët”, u shpreh kryetari Haliti. Ndërkaq nga ky projekt kanë folur z. Jetmir Bakija dhe Vjendita Avdiu Musliu. Gjatë kësaj punëtorie u bë edhe prezantimi i draft planit i çështjeve të komunitetit për këto çështje: Funksionalizimi i kabineteve në SHMLM “ Kongresi i Manastirit” – Pozheran. Aftësimi profesional dhe krijimi i mundësive për vetëpunësimin e grave me aftësi të kufizuara Mungesa e shenjëzimit të shtegut shëndetësor në parkun e pishave. Ndërkaq gjatë këtij takimi është diskutuar dhe prezantuar edhe për planin e veprimit rreth çështjeve nga komuniteti. Gjithashtu u diskutua edhe për çështje tjera që ndërlidhen me Agjendën e Kontratës Sociale.

Kontrolloni gjithashtu

Finalizohet draft-ligji për Lojërat Mesdhetare “Prishtina 2030”

Kryetari i Komunës së Prishtinës, z. Përparim Rama ka njoftuar përmes faqes së tij në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara