Në Malishevë – Dita e Rinisë, shënohet me dhjetëra aktivitete

12/09/2018 Institucionet

Në kuadër të muajit të rinisë që organizohet nga Ministria për Kulturë, Rini dhe Sport e  Republikës së Kosovës, edhe Komuna e Malishevës, e shënon me shumë aktivitete, “ Ditën e Rinisë”- 12 shtatorin në bashkëpunim me OJQ –të që zhvillojnë aktivitetet rinore. Me moton “ Ne e ndërtojmë të ardhmen”, në Komunën e Malishevës, zyrtari për rini Mehdi Krasniqi, para shumë të rinjve malishevas, bëri hapjen zyrtare, të  “Ditës së rinisë”, 12 shtatorin, ku sipas agjendës, brenda kësaj dite do të zhvillohen dhjetëra aktivitete, kulturo-sportive, muzikore dhe në artin pamor. Në emër të kryetarit Ragip Begaj, shefja e kabinetit Blerta Krasniqi, iu drejtua  të rinjve. “Ju keni pasur dje, sot dhe do ta keni edhe në të ardhmen, mbështetjen e kryetarit Begaj dhe atë institucionale në përgjithësi, për projektet që ofroni, projekte të cilat ndikojnë në zhvillimin kulturoro-sportiv si dhe në fushat tjera, prandaj, Malisheva u ofron mundësinë që të dëshmoni me përgatitjet tuaj dhe potencialin që keni në ndryshimin pozitiv të së nesërmes”. “Qëllimi i kësaj dite është të pranojë dhe njohë përpjekjet dhe përkushtimin e të rinjve, malishevas që me potencialet krijues dhe idetë inovative që ofrojni do të ndikojni në përmirësimin dhe zhvillimin e Malishevës dhe  shoqërisë në përgjithësi”, tha ndër të tjera, Besartë Kryeziu- Ramaj drejtoreshë në drejtorinë për Kulturë, Rini dhe Sport. Drejtori i departamenti për rini në Republikën e Kosovës Xhevat Bajrami, drejtuar të rinjve malishevas, theksoi: “Ju të rinj të Malishevsë, jeni të rinj të veçantë, sot për Malishevën dhe Kosovën sepse po tregoni vlera dhe po jepni shembuj se si duhet dashur dhe punuar për  vendin e lirë, Republikën e Kosovës. Një shembull për mbështetjen e aktiviteteve tuaja është edhe kryetari i komunës  Ragip Begaj, prandaj edhe ne nga departamenti i të rinjve do t’u mbështesim edhe në të ardhmen për projektet që ofroni,  urime  dhe suksese”, përfundoi fjalën e vet drejtori, Xhevat Bajrami. Përmbyllja e 12 shtatorit- Ditës së Rinisë në Malishevë, do të bëhet me aktivitetin e  fundit Mbrëmjen rinore në parkun e qytetit, ora 20:00.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara