Në Malishevë u prezantua strategjia për Komunikim dhe Informim

15/12/2017 Institucionet

Organizuar nga Komuna e Malishevës dhe e mbështetur nga OSBE, misioni në Kosovë, u bë prezantimi i draftit të parë të Strategjisë për Komunikim dhe Informim në Komunën e Malishevës. Përveç prezantimit, u zhvillua edhe një debat nga pjesëmarrësit,  lidhur me këtë dokument të rëndësishëm që është pjesë e transparencës komunale. Duke marrë fjalën, në këtë prezantim, i pari i Malishevës, Ragip Begaj, e ka cilësuar si shumë të rëndësishëm hartimin e këtij dokumenti, i cili ka të bëjë jo thjesht me komunikimin dhe informimin, por me transparencën e përgjithshme të Komunës së Malishevës. Ndërsa zyrtari i OSBE-së. Salih Elshani, tha se “hartimi i strategjive të tilla, është me shumë rëndësi për çdo komunë dhe çdo institucion, pasi përmes kësaj edhe rritet komunikimi me qytetarin, por rritet edhe transparenca dhe vendimmarrja së bashku me llogaridhënien”. Po ashtu në këtë prezantim, janë shkëmbyer edhe përvojat me komunat fqinje të Therandës dhe Rahovecit. Më pas, në emër të grupit punues, këtë draft strategji, e ka prezantuar Izet Shala, nga Zyra për Informim Publik në Komunën e Malishevës, ku në mënyrë të hollësishme është prezantuar e tërë strategjia, e cila është vetëm si draft i parë, ndërsa më pas do të del edhe në diskutim të gjerë, për plotësim, në mënyrë që të jetë sa më e kompletuar, para se të procedohet për diskutim dhe votim në Kuvendin e Komunës. Drafti i parë i kësaj strategjie, nga java e ardhshme, do të jetë publike edhe në ueb faqen e Komunës së Malishevës, për diskutim, ku të gjitha grupet e interesit dhe njohësit e kësaj fushe, mund të japin mendimet dhe këshillat e tyre, në mënyrë që strategjia të jetë sa më e kompletuar.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara