Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ka kaluar sot në mbledhjen e Qeverisë projektligji për konfiskimin e pasurisë së pajustifikueshme. Pasuria e përfituar tani nga aktiviteti kriminal e shumë shpejt pasuria e pajustifikueshme do t’u kthehet, qoftë direkt ose indirekt, qytetarëve, ka bërë të ditur Qeveria e Kosovës. “Kalon projektligji që do të qartësojë procedurat për shitjen e pasurive të paluajtshme si dhe dhënia me qira e pasurive të sekuestruara dhe të konfiskuara. Kështu pasuria e përfituar tani nga aktiviteti kriminal e shumë shpejt pasuria e pajustifikueshme do t’u kthehet, qoftë direkt ose indirekt, qytetarëve, përmes qeverisjes së mirë, shtimit të efikasitetit të organeve ligjzbatuese, të cilat do të punojmë pa u ndalur që të forcohen, por po ashtu nuk do të reshtim së kërkuari më shumë punë e më shumë rezultate”, thuhet në njoftimin e Qeverisë, por nuk specifikohet se a do të përdoret ky kriter për të gjithë të pasuruarit e paligjshëm qofshin ata edhe të Vetëvendosjes e të koalicionit qeveritar.
