leoni

Në Mitrovicë u hap panairi njëditor i artizanaleve dhe ushqimit tradicional

08/07/2016 Institucionet

Në  kuadër të manifestimit “Ditët e Diasporës 2016”, në  oborrin e e ndërtesës së administratës komunale në Mitrovicë, është hapur panairi njëditor   artizanaleve dhe ushqimit tradicional. Panairi është organizuar nga organizata CECD-Friends, me drejtoreshën  Valbona Sadiku, ndërsa që është mbështetur nga Ministria Diasporës.

Kryetari i komunës, Agim Bahtiri, tha se ky aktivitet është mjaft i rëndësishëm dhe domethënës. Ai falënderoi organizatorët për idenë e organizimit të këtij manifestimi dhe Ministrinë e Diasporës me në krye Valon Murati, për mbështetjen që i ka dhënë manifestimit.

“Duke pas parasysh  se çdo popull ka mënyrën e vet tradicionale të gatimit e të ushqyerit dhe prodhimeve artizanale, dua të them se ajo që na dallon ne shqiptarëve nga të tjerët, është shumëllojshmëria dhe cilësia, si e ushqimeve tona tradicionale, ashtu edhe e punimeve artizanale”, tha kryetari Bahtiri.

Në vazhdim kryetari Bahtiri tha se komuna do t’i mbështesë maksimalisht individët dhe bizneset që në kuadër të veprimtarisë së tyre kanë edhe përgatitjen e shërbimin e ushqimeve tradicionale, si dhe të punimeve artizanale.

Ndërkaq, nënkryetari i komunës, Safet Kamberi vlerësoi  lartë të gjitha ushqimet dhe  punimet artizanale  që ishin të ekspozuara  në këtë panair, si dhe i inkurajoj pjesëmarrësit që edhe në të ardhmen të vazhdojnë të angazhohen duke  treguar kështu kulturën tonë kombëtare.

Prezent në këtë eveniment ishte edhe Zëvendësministri i Diasporës, Janez Frrokaj, i cili para të pranishmëve foli për rëndësinë që kanë mërgimtarët për shtetin tonë. Ai tha se falë bashkëpunimit të mirë të Ministrisë me institucionet përkatëse, është lehtësuar shumë procedura e pajisjes së mërgimtarëve  me dokumente, si dhe është shkurtuar dukshëm koha e pritjes së tyre nëpër vendkalimet kufitare.

“Vlen të theksohet se gjatë këtij viti procedura për pajisje me dokumente të ndryshme nëpër komuna, është edhe më e lehtë, pasi që në shumë sosh janë vendosur  E-KIOSKAT, ku qytetarët vet mund t’i nxjerrin dokumentet e nevojshme”, theksoj  Frrokaj.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara