Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Familja Pllana në Arbnesh të Prishtinës, njofton miqtë dhe farefisin se, sot, pas një sëmundjeje të rëndë e të gjatë, në moshën 87 vjeçare, ndërroi jetë familjari i dashur i tyre Ramadan (Isuf) Pllana. Varrimi bëhet sot (30 shtator 2021), në ora 14.oo në varrezat e fshatit Arbnesh të Prishtinës! Për shkak të rrethanave me pandeminë nuk do të ketë të pame, por ngushëllimet i pranojmë në të gjitha format tjera të kontaktit, thuhet në njoftimin e familjes.
Familja Pllana e Arbneshit i ka dhënë një kontribut të madh luftës për liri dhe pavarësi të Kosovës. I ndjeri, Ramadan Isuf Pllana është baba i veprimtarit, të burgosurit politik, luftëtarit të lirisë dhe folësit të parë të Radios-Kosova e Lirë, dr. Nusret Pllana.
Me këtë rast, stafi i Radios Kosova e Lirë, i shpreh ngushëllime familjes Pllana të Arbneshit, për humbjen e familjarit, i cili ka qenë pjesë e përpjekjeve kolektive të shqiptarëve liridashës të gjeneratës së tij, për çlirim dhe bashkim kombëtar.
Familja Pllana të ndihet krenare për jetën dhe veprën e më të dashurit e më të respektuarit të tyre, babait, gjyshit xhaxhait, mikut, Ramadan Isuf Pllana, thuhet në telegramin e ngushëllimit të stafit të Radios-Kosova e Lirë.
