Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë muajit janar, gjatë varrimit të një bashkëfshatari në fshatin Obranq të Besianës banorët hasën në një batanije të mbështjellë në thellësinë e tokës. Dyshimet se në të mund të jenë mbështjellë kocka njerëzore i bënë ata të adresojnë shqetësimin te institucionet përkatëse. Mëngjesin e 5 marsit, ekskavatori doli në terren për të nisur gërmimet, ndërkohë që ishin të pranishëm ekspertë mjekoligjorë nga Instituti i Mjekësisë Ligjore, zyrtarë nga Drejtoria e Policisë për Hetimin e Krimeve të Luftës, Komisioni Qeveritar për të Pagjeturit dhe organizata lokale. Gërmimet që u zhvilluan për disa orë çuan në gjetjen e mbetjeve mortore, të cilat dyshohet se i takojnë personave të zhdukur me dhunë nga forcat serbe gjatë luftës në Kosovë. Kushtrim Gara nga Komisioni Qeveritar për të Pagjeturit tha: Kemi gjetur dhe zhvarrosur mbetje mortore të minimumit të një individi. Megjithatë, identiteti i tyre dhe numri i saktë do të mund të përcaktohet pas analizave mjekoligjore, duke përfshirë testimin ADN.
