Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e 22 vjetorit të rënies së dëshmorit të kombit Safet Rexhepi, udhëheqës të Institucioneve komunale, përfaqësues të OVL të UÇK-së, bashkëluftëtar të dëshmorit, Shoqatës së familjeve të dëshmorëve e qytetarë të tjerë, kanë bërë homazhe tek varrezat e dëshmorëve. Po ashtu, më pas në fshatin e tij të lindjes në Zhiti, u zbulua busti i dëshmorit Safet Rexhepi, në oborrin e shkollës që mbanë emrin e tij. Në fjalën e rastit, zëvendëskryetari i komunës së Vitisë Hasan Aliu, falënderoj të gjithë ata që kanë kontribuar në realizimin e shtatores dhe bustit të dëshmorit, Safet Rexhepi në Viti dhe Zhiti. ” Dua të falënderoj të gjithë ata që kanë kontribuar në realizimin e shtatores dhe bustit të dëshmorit, Safet Rexhepi. Ky dëshmor është kthyer në vendlindje e tij në Zhiti dhe Viti, si roje që ta përçoj mesazhin se ushtarët e UÇK-së janë këtu që t’i dalin Zot atdheut sa herë është nevoja. Ai gjithashtu tha dëshmorët bënë punën e tyre me pushkë, kurse neve na mbetet që të kryejmë punën tonë me laps dhe dije. Në këtë tubim në Zhiti, ka folur edhe Avdush Loku, bashkëluftëtarët i dëshmorit Safet Rexhepi, në kuadër të brigadës 138 “Agim Ramadani”. Në emër të familjes, foli Qemajl Rexhepi i cili ka falënderuar për mbështetjen e vazhdueshme gjithë ata që kanë ndihmuar në ngritjen e shtatores në Viti, por edhe te bustit në Zhiti.
