Në prag të festës së Bajramit, u ndihmuan 220 familje të Komunës së Malishevës

22/05/2020 Institucionet

Në Komunën e Malishevës, në prag të festës së Bajramit, janë shpërndarë ndihma për 220 familje. Këto ndihma janë donacione të dhuruara për Komunën e Malishevës, nga donatorët e ndryshëm, gjatë këtyre ditëve, të cilët i kanë sjellë në shtabin emergjent komunal, me qëllim të shpërndarjes sipas nevojës që kanë këto familje. Sipas shtabit emergjent komunal, këto ndihma janë në pako ushqimore dhe higjienike, për 200 familje, ndërsa pjesa tjetër është nga 100 euro për 20 familje. Ndihmën në mjete nga 100 euro, i ka dhënë biznesmeni dhe humanisti Njazi Bytyqi, nga Shkoza, pronar i firmës “Bytyqi Bau” GmbH, i cili jeton dhe vepron në Gjermani, e që njihet për kontributin e tij të vazhdueshëm. Për të gjitha këto ndihma të dhuruara, të gjithë donatorët i ka falënderuar edhe Kryetari i Komunës së Malishevës, Ragip Begaj. “Gjatë gjithë situatës me pandemi, por edhe tani për festën e Bajramit, janë donatorët ata të cilët, i kanë ndihmuar të gjitha familjet në nevojë, prandaj, në emër të Komunës së Malishevës, i falënderoj të gjithë”, ka thënë kryetari Begaj.

Kontrolloni gjithashtu

Këshilli i Bashkësisë Islame në Deçan, organizoj tryezën me temën “Roli i fesë në shoqërinë bashkëkohore”

Këshilli i Bashkësisë Islame në Deçan, organizoj të premtën tryezën me temën “Roli i fesë …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara