Saturday , November 23 2024

Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.

Në Rahovec janë mbajtur garat komunale në Volejboll për nxënësit e shkollave të mesme, në kategorinë për djem dhe vajza

12/05/2021 Institucionet

Tema të tjera...

Përfshirja e të rinjve në aktivitete të ndryshme, sidomos aktivizimi i tyre në jetën sportive, është prioritet kryesor i komunës së Rahovecit! Duke u nisur nga ky këndvështrim, komuna e Rahovecit, përkatësisht Drejtoria për Kulturë, Rini dhe Sport ka përkrahur edhe projektin e Shoqatës së Pedagogëve të Kulturës Fizike, i cili ka për qëllim organizimin e garave sportive në nivel komunal, si dhe përfaqësimi i tyre edhe në nivel regjional e republikan. Organizimi i sportit shkollor, duke filluar nga garat në shkollat fillore dhe të mesme, duke kaluar në nivel komunal, në nivel regjional dhe në atë republikan, qëllim kryesor kanë identifikimin e talenteve të rinj dhe orientimin profesional të tyre. Andaj, janë mbajtur garat komunale në Volejboll për nxënësit e shkollave të mesme, në kategorinë për djem dhe vajza.

Pjesëmarrëse në këto gara ishin shkollat e mesme:

SHML “Xhelal Hajda-Toni” nga Rahoveci,
SHML “12 Maji” nga Ratkoci,
SHML “Ukshin Hoti” nga Krusha e Madhe.

Përgëzime për fituesit në këto gara, për profesorët të cilët janë marrë me përgatitjen e ekipeve pjesëmarrëse dhe për kryetarin e Shoqatës së Pedagogëve të Kulturës Fizike, Admir Mullabazi. Kryetari i komunës së Rahovecit Smajl Latifi dhe drejtoresha për Kulturë, Rini dhe Sport Bjondina Kleqka, do të vazhdojnë të mbështesin projekte të tilla që kanë për qëllim aktivizimin e të rinjve përmes aktiviteteve sportive. Aktivitetet në kuadër të këtij projekti, do të vazhdojnë edhe në ditët në vijim. Suksese fituesve edhe në garat regjionale dhe republikane!

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM

Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara