leoni

Në Rahovec nis aksioni kombëtarë për pastrimin e mbeturinave “Ta pastrojmë Kosovën”

15/09/2018 Institucionet

Nga oborri i komunës së Rahovecit, të shtunën ka filluar zyrtarisht aksioni për pastrimin e ambientit “Ta pastrojmë Kosovën”, aksion ky që ka përmasa kombëtare e që zhvillohet në gjithë Kosovën, aksionit i  është bashkuar kryetari i komunës së Rahovecit, Smajl Latifi me bashkëpunëtorë, drejtor të shkollave, nxënës, kryetar të fshatrave dhe lagjeve. Përparim Krasniqi, drejtor i Drejtorisë për Shërbime Publike në fillimin zyrtar të aksionit tha se po fillojmë aksionin në nivel kombëtar “Ta pastrojmë Kosovën”, dhe se këtë aksion po e fillojmë nga oborri i komunës për të vazhduar, në pjesët tjera sipas planit operativ të veprimit. Për realizimi e këtij aksioni, mbështetje të madhe kemi në vazhdimësi nga kryetari i komunës, Smajl Latifi. Drejtori Krasniqi tha u shpreh se dua ti falënderoj të gjithë qytetarët që kanë pranuar ftesën, për t’ju bashkangjitur këtij aksioni dhe uroj që ky aksion i sotshëm të shkoj ashtu siç edhe e kemi planifikuar. Aksioni i pastrimit ka vazhduar në rrugën “Bekim Isma” në qytetin e Rahovecit dhe rrugën rajonale Rahovec-Malishevë, aksioni po ashtu është zhvilluar në të gjitha vendbanimet e komunës, ku nga drejtorët e shkollave, nxënësit , OJQ-të, kryetarët e fshatrave dhe  lagjeve është bërë pastrimi i mbeturinave nëpër vendbanimet e tyre. Pas grumbullimit të mbeturinave, kompanitë për mbledhjen e mbeturinave, i kanë mbledhur thasët e mbushur me mbeturina dhe i kanë dërguar, në deponit legale për hedhjen e mbeturinave.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara