Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Rakinicë kanë nisur punimet e realizimit të projektit të ri, për asfaltimin e njërës prej rrugëve kryesore të fshatit. Me këtë rast, në nisje të realizimit të këtij projekti, ka qenë i pranishëm edhe kryetari i Komunës së Skenderajt, Fadil Nura, bashkë me drejtorin për Urbanizëm dhe Mbrojtje të Ambientit Driton Mulaj dhe anëtarin e Kuvendit Komunal, dr.Ragip Durmishi. Kryetari Nura ka bashkëbiseduar ndërkohë me banorët e fshatit duke i njoftuar ata se qeverisja lokale do të vazhdojë edhe me projekte të tjera, ku u theksua ai i sistemit të kanalizimit, një problem nga i cili vuajnë disa lagje të Rakinicës. Banorët nga ana e tyre janë shprehur mirënjohës dhe falënderues për projektin e asfaltimit të rrugës, i cili parasheh edhe degëzimet e duhura si dhe trajtimin e atyre që kanë gjendje më të rëndë.
