Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qytete anekënd Shteteve të Bashkuara të Amerikës janë përfshirë në protesta si reagim ndaj vdekjes së e afrikano-amerikanit George Floyd nën prangat e policisë së Mineapolis. Dhuna e tyre ka bërë që të angazhohet edhe Garda Kombëtare në të paktën 12 shtete, për të ndihmuar policinë në frenimin e dhunës dhe plaçkitjeve ndaj bizneseve të shumta. Associated Press njofton se nga koha e shpërthimit të protestave, të enjten, më 28 maj, deri më 30 maj janë arrestuar afër 1 mijë e 400 protestues në 17 qytete. Njoftohet se guvernatorët në të paktën 11 shtete si Xhorxhia, Kentaki, Ohajo, Uiskonsin, Kolorado, Juta, Uashington, Kaliforni, Tenesi, Mizuri dhe Teksas, aktivizuan gjithashtu trupat e Gardës Kombëtare për të ndihmuar në shuarjen e protestave që në shumë zona janë shndërruar në dhunë. Disa kryetarë bashkish kanë shpallur ndalim qarkullime gjatë natës për shkak të dhunës në qytetet e tyre si, Los Anxheles, Siatëll, Portland, Atlanta, Denver, Kolumbia dhe Filadelfia.
