Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qytetit të Drenasit iu shtuan dhe dy shtatore të dy heronjve. Në sheshin “Fehmi Lladrovci” u përuruan shtatoret e Rasim Kiçinës dhe Bedri Shalës. Që të dy u cilësuan si sinonim i lirisë së Kosovës. Kryetari Thaçi, nën patronazhin e të cilit është bërë ky organizim, tha se dy heronjtë Rasim Kiçina dhe Bedri Shala dhanë gjithçka për lirinë e Kosovës dhe se ata janë sinonim i lirisë. I pari i shtetit theksoi nevojën dhe të ndëshkimit të gjenocidit dhe krimeve serbe në Kosovë. Ndërkaq, kryetari i komunës së Drenasit, Ramiz Lladrovci duke përmendur rolin e Rasim Kiçinës dhe Bedri Shalës gjatë luftës në Kosovë, tha se këta janë dy kolosë të lirisë së Kosovës. Ndërsa, për kryetarin e shoqatave të OVL UÇK-së, Hysni Gucati, themelet e ndërtimit të shtetit janë bërë nga dëshmorët e kombit. Në emër të dy familjeve të heronjve, Xheladin Shala tha se këta heronj janë bashkuar në shesh për t’i bërë roje atdheut.
