Në SHFMU “Jeta e Re” në Greme u hap cikli i ligjeratave “Fenomeni i bullizmit në shkolla, pasojat dhe lufta kundër tij”

14/10/2024 Institucionet

Sot në Shkollën Fillore të Mesme të Ulët “Jeta e Re” në Greme të Ferizajt u hap cikli i ligjeratave “Fenomeni i bullizmit në shkolla, pasojat dhe lufta kundër tij”, mbështetur nga Drejtoria e Arsimit.

Mysafirë qenë; drejtori i Arsimit në Komunën e Ferizajt, Afrim Llabjani, dhe zyrtari për arsim, Flodian Maloku.

Hapjen e takimit, me një fjalë përshëndetëse, e bëri drejtori i shkollës, Jeton Ahmeti.

“Fenomeni i bullizmit në shkolla, pasojat dhe lufta kundër tij” u ligjërua nga bashkëpunëtori i projektit dhe psikologu i shkollës, Orhan Nazifi , kurse pjesë nga përvoja personale u dhanë nga aktivisti kundër bullizmit, Labinot Azemi.

Në pjesën e tretë të takimit, nxënësit e patën mundësinë të parashtrojnë pyetjet e tyre, përgjigjet e së cilave i morën nga Psikologu Orhan Nazifi dhe Aktivisti, Labinot Azemi.

Kontrolloni gjithashtu

Kryetari Latifi, së bashku me familjarë të dëshmorëve e martirëve nderuan kujtimin për sakrificën sublime të 9 dëshmorëve dhe 34 martirëve nga Hoça e Vogël

Kryetari i komunës së Rahovecit, z. Smajl Latifi, së bashku me familjarë të dëshmorëve e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara