Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në shkollën fillore të mesme të ulët “Bafti Haxhiu” në Viti, është mbajtur një demonstrim-testim i kapaciteteve të shkollës në rast të tërmeteve. Me këtë rast në këtë testim të kapaciteteve të kësaj shkolle i pranishëm ishte dhe kryetari i komunës së Vitisë, Sokol Haliti i shoqëruar nga Fatbardha Emini, drejtoreshë e Arsimit në Viti. Bëhet me dije se ky projekt që është mbështetur nga Kryqi i Kuq dhe nga “JICA” japoneze, ka filluar muaj me parë që kjo shkollë të ketë një ekip për raste emergjente. Ndërkaq i pari i komunës vuri në pah rëndësinë e ushtrimeve të tilla për të minimizuar dëmet në rast të fatkeqësive. “Këto janë aktivitete shumë të rëndësishme sepse i përgatisin mësimdhënësit dhe nxënësit për mbrojtje në rast të fatkeqësive natyrore në këtë rast të tërmeteve” u shpreh kryetari Haliti. Ai gjithashtu përgëzoj dhe falënderoj Kryqin e Kuq në nivel qendror dhe lokal dhe donatorin e këtij trajnimi (JICA). Pjesë e këtij demonstrimi ishin edhe Policia e Kosovës – stacioni në Viti.
