Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Shkup të Maqedonisë së Veriut, sot ka filluar punimet samiti i Organizatës për Siguri dhe Bashkëpunim në Evropë, me pjesëmarrjen e diplomatëve të 57 vendeve anëtare të organizatës. Nga Shqipëria, është i pranishëm ministri i Jashtëm, Igli Hasani. Kosova nuk është e pranuar në radhët e OSBE-së, e cila nuk e njeh pavarësinë e vendit tonë. Ministri i Jashtëm i Rusisë, Sergej Lavrov, pjesëmarrës në Samit, arriti sot në Shkup, pasi avioni me të cilin udhëtonte nuk u lejua të kalonte mbi territorin e Bullgarisë. Zëdhënësja e Ministrisë së Jashtme të Rusisë, Maria Zakharova, që ishte në bordin e avionit, e akuzoi Bullgarinë për shkak se refuzoi fluturimin. Ajo ka sugjeruar me këtë rast se Rusia mund të vendosë ndalesa të ngjashme të fluturimeve për mijëra funksionarë të NATO-s, derisa Bullgaria krijoi një precedent të rrezikshëm. Pjesëmarrja e diplomatit rus në samitin e OSBE-së paraprakisht ishte mundësuar nga Shkupi dhe Sofja që pezulluan përkohësisht sanksionet e vendosura nga Bashkimi Evropian për fluturimet e avionëve rusë për shkak të agresionit rus kundër Ukrainës. Rusia me pjesëmarrjen në këtë samit, po përfiton dhe po e forcon pozitën e saj në skenën ndërkombëtare, përkundër pushtimit të paprovokuar të Ukrainës.
