Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në shtetin e New York-ut, në Amerikë, u miratua projektligji që lejon që trupat e njerëzve të mund të transformohen në plehra pas vdekjes. Sipas lajmeve në mediat amerikane, guvernatori i New York-ut, Kathy Hochul, nënshkroi projektligjin që autorizon riciklimin e kufomave në plehra në këtë shtet. Sipas legjislacionit të ri, pasi njerëzit vdesin në New York, trupat e tyre mund të shndërrohen në plehra në mënyrë natyrale. Në procesin në fjalë, kufoma vendoset në një “arkivol” që përmban materiale bimore si tallash, tërfil dhe kashtë. Përzierja e bimëve në arkivol ofron një mjedis të përshtatshëm për mikrobet natyrale që të dekompozojnë trupin shpejt dhe në mënyrë efektive. Katrina Spade, themeluesja e kompanisë me emrin “Recompose”, me seli në SHBA, e cila ofron shërbimin e shndërrimit të kufomave të njerëzve në plehra, deklaroi se kjo është një alternativë për preferencat funerale të njerëzve të ndjeshëm ndaj mjedisit. Në SHBA, shteti i Washington-it në vitin 2019 legalizoi për herë të parë “transfomimin e kufomave të njerëzve në plehra”. Ky projektligj u miratua në Kolorado dhe Oregon në vitin 2021, dhe në vitin 2022 edhe në Vermont dhe Kaliforni. (AA).
