Në shumë fshatra të komunës së Malishevës keqësohet gjendja me ujë të pijes

07/08/2017 Institucionet

Derisa, po mbretërojnë temperatura tropikale në mbarë  vendin, Malisheva nuk është përballur deri tash me zjarre, duke mos përjashtuar, ndonjë vatër të vogël zjarri fushorë. Por qytetarët e Malishevës po përballën me  mungesa të ujit të pijshëm, shkak i thatësirës që po mbretëron, tash e disa javë. Vështirësia  me ujë të pijshëm, po u shkakton problem, jo vetëm qytetarëve që  shfrytëzojnë puset shtëpiake, por edhe atyre të cilët janë në rrjetin e ujësjellësit, të Hidroregjionit jugor. ,,Komuna e Malishevës, brenda potencialeve njerëzore dhe mekanizmit që posedon, ka rritur ndjeshëm përkujdesjen, angazhimin që ta përballoi dhe tejkaloi këtë situatë emergjente këtyre ditëve, duke angazhuar, Njësinë e Zjarrfikësve, cisternat me ujë që t’i furnizojnë qytetarët, brenda mundësive dhe mekanizmit që kemi”. Gjithherë  sipas, zyrtarit  të Drejtorisë për Mbrojtje dhe Shpëtim, Halit Mazrekut, i cili edhe kërkon nga qytetarët që të mos shpërdorojnë ujin e pijshëm, për ujitje, autolarje etj. Vështirësi nga ky mot ekstrem, po kanë edhe shumë pacientë, që vuajnë nga sëmundje të ndryshme, raporton, Drejtori i Drejtorisë për Shëndetësi dhe Mirëqenie Sociale, Hajdin Berisha, i cili theksoi ,, Po kemi mungesë të hapësirës në Qendrën e Mjekësisë Familjare, por edhe përkundër kësaj, gjendjen e kemi nën kontroll, kurse raste më të rënda i drejtojmë për Qendrën Klinike Universitare, (QKUK), prandaj Qendra e Mjekësisë Familjare Malishevë ,, Shpëtim Robaj” (QKFM), apelon të qytetarët që t’u shmangën udhëtimeve të panevojshme dhe ekspozimit në diell.

Kontrolloni gjithashtu

Shoqata e ish të Burgosurve Politik në Ferizaj, përkujtoj një nga periudhat më të rëndësishme të historisë sonë të re, Pranvera Shqiptare e vitit 1981

Nën organizimin e Shoqatës të ish të Burgosurve Politik në Ferizaj, me pjesëmarrjen edhe të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara