Në Skenderaj vazhdon aksioni për sigurinë e ushqimit

29/05/2017 Institucionet

Inspektorati i Komunës së Skenderaj ka vazhduar aksionin për kontrollimin e cilësisë së ushqimeve që konsumojnë qytetarët e Skenderajt. Këtë radhë ky institucion ka konfiskuar produkte të qumështit të cilat kanë qenë të pasigurta për konsum. Sasia e mallit është konfiskuar nga Inspektorati komunal i Skenderajt në bashkëpunim me Policinë e Kosovës stacioni në Skenderaj. Malli me gjendje jo të mirë për përdorim është kapur gjatë transportimit dhe e gjithë sasi e tij është asgjësuar në bashkëpunim me kompaninë “Uniteti”. Produkti i qumështit i konfiskuar dhe i asgjësuar ka qenë i llojit gjizë në sasi të konsiderueshme dhe jashtë kritereve dhe standardeve të përdorimit. Kontrollet për cilësinë e ushqimit kanë filluar javë më parë nga Inspektorati komunal i Skenderaj më qëllim të rritjes së nivelit të sigurisë në ushqim për qytetarët e Skenderaj. Ka qenë Nënkryetari i Komunës së Skenderajt, Fadil Nura ai i cili ka kërkuar rritjen e efikasitetit dhe kontrollës së ushqimeve që tregtohen në Skenderaj, me qëllim të mbrojtjes së jetës së qytetarëve, sidomos në prag të stinës së nxehtë të verës. Aksioni i nisur javë më parë ka dhënë rezultatet e para, pasi edhe qytetarët kanë lajmëruar raste të shumta ku janë hasur produkte ushqimore me cilësi të dyshimtë. Komuna e Skenderaj edhe një herë apelon te qytetarët e Skenderajt që të raportojnë në çdo kohë dhe pa hezitim te Inspektorati komunal i Skenderajt për mallrat e konsumit të përditshëm për të cilat dyshojnë se nuk i plotësojnë standardet për konsum. Siguria e ushqimit që konsumojmë është siguri për jetën tonë dhe të fëmijëve tanë!

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara