Në Suharekë u mbajt Akademi përkujtimore për Ish kryetarin Ukë Bytyçi

27/10/2016 Institucionet

Komuna e Suharekës, ka përkujtuar ish kryetarin e saj Ukë Bytyçi dhe dy shoqëruesit e tij Bafti Bajramin dhe Bajram Bytyqin të cilët u vranë menjëherë pas fitores së LDK-së në zgjedhjet lokale në këtë komunë. Në Akademinë përkujtimore krahas shumë qytetarëve dhe familjarëve të Ukës, morën pjesë edhe figura dhe personalitete të larta të LDK-së, të cilët kishin ardhur për të marrë pjesë në këtë manifestim përkujtimor. Në fjalën e tij kryetari i Komunës z. Sali Asllanaj, në mes tjerash ka thënë: “ Ukë Bytyçi ka qenë njeriu më i përgatitur në të gjitha aspektet, ai nuk zgjidhte rrugën e lehtë dhe komode, por të rëndën, rrugën e ardhmërisë dhe perspektivës. Ai zgjodhi rrugën e ballafaqimit me okupuesit serbë që nga viti 1981 në demonstratat e atëhershme, ai zgjodhi që edhe pushtetin e atëhershëm ta sfidon me politiken paqësore të udhëhequr nga LDK-ja dhe Ibrahim Rugova. Uka ishte promotor i shumë ngjarjeve që na sollën lirinë, emri Ukës ishte forcë e madhe dhe morale për ushtarët e Brigadës 123. Skenës politike i mungon figura e Ukë Bytyçit ”Ndërsa në emër të kryesisë qendrore të LDK-së ka fol Lirije Kajtazi e cila ka thënë se vrasja e Ukë Bytyçit ka qenë vrasje e demokracisë tek ne. Uka ishte pishtar i demokracisë, ishte kryetari i parë i juaji i zgjedhur me votën e lirë. Kurse në emër të familjes së Ukës, ka fol djali i tij Flamuri i cili ka shpreh pakënaqësi sepse vrasja e Ukës nuk është zbardhur në tersi sepse është dënuar vetëm dorasi e jo edhe urdhërdhënësi. Kjo është drejtësi e vonuar dhe e mohuar ne po presim që të veprojë drejtësia e mohuar. Pas Akademisë janë vendosur kurora me lule te shtatorja e Ukës, në Semetisht te varri i tij dhe në Nishor te varret e Bafti Bajramit dhe Bajram Bytyçit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara