Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në takimin e sotëm në Bruksel, pas Marrëveshjes së Ohrit mes Kryeministrit, Albin Kurti dhe kryetarit të Serbisë, Aleksander Vuçiq, shpaloset drafti i Asociacionit. Atë e ka shkruar një ekip serbësh, i izoluar tërësisht nga Qeveria e Kosovës, formalisht, ekipi është emëruar nga Ministria e Administrimit të Pushtetit Lokal. Albin Kurti tashmë ndodhet në Bruksel. Sipas Marrëveshjes Bazë të pranuar mes Kosovës dhe Serbisë, zbatimi i marrëveshjes së Asociacionit nënkuptohej në pikën e fundit të dokumentit, ndërsa krijimi i tij nënkuptohej në pikën 7 të Planit të Zbatimit të dakorduar në Ohër. Në praktikë, ashtu siç ishte kërkuar gjatë nga ndërkombëtarët dhe nga Serbia, Asociacioni u zhvendos në një nga dy temat e para që do të fliten në takimin mes Kryeministrit Albin Kurti dhe Presidentit serb, Aleksandër Vuçiq, pas arritjes së marrëveshjes. Miroslav Lajcak ka thënë se qëllimi është përcaktimi i statusit ligjor të serbëve të Kosovës dhe të pakicës serbe në Kosovë. Ne e shohim këtë si një mundësi për të qartësuar disi marrëdhëniet ndërmjet Qeverisë në Prishtinë dhe serbëve të Kosovës. Dhe në të njëjtën kohë të definohet roli i Serbisë në mbështetjen e serbëve të Kosovës. Është një temë e ndjeshme, flitet shumë për të, por për mua është e rëndësishme që më në fund të fillojmë të përcaktojmë se çfarë do të thotë komuniteti, cili do të jetë statusi i tij, cilat do të jenë kompetencat e tij. Ne do t’i përmbahemi modeleve ekzistuese evropiane”, ka thënë, emisari i BE-së, Lajçak.
