Ministria e Infrastrukturës bën të ditur në të gjitha rrugët nacionale dhe rajonale është përmirësuar dhe lehtësuar qarkullimi. Drejtuesit rajonalë me ekipet tyre dhe kompanitë e kontraktuara nga Ministria e Infrastrukturës janë duke punuar pandërprerë në teren, për të përmirësuar dhe lehtësuar qarkullimin në komunikacion. Po punohet në rrugën rajonale Brezovicë – Prevallë, e cila pritet të hapet sot dhe rrugën Brezovicë – Qendra e Skijimit, në të cilën gjenden shumë automjete të qytetarëve, të cilat do të largohen për ta zhbllokuar këtë rrugë. Ministria e Infrastrukturës iu bën apel të gjithë qytetarëve që të jenë shumë të kujdeshëm në komunikacion dhe të kenë pajisjet e nevojshme dimërore për qarkullim.
![Në të gjitha rrugët nacionale dhe rajonale është përmirësuar dhe lehtësuar qarkullimi](https://www.radiokosovaelire.com/wp-content/uploads/rruget-qarkullimi-prishtines-635x330.jpg)