Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Universitetin “Isa Boletini”, në Mitrovicë. është mbajtur Konferenca Ndërkombëtare Multidisiplinare për Gjeoshkenca IMGC2021. Të pranishëm në këtë aktivitet ishin: Gani Maliqi, Sabri Avdullahu Kryesuesi i konferencës, Naser Peci, Dekan i Fakultetit të Gjeoshkencave, Alush Musaj, Rektor i Universitetit “Isa Boletini” në Mitrovicë, drejtori i KPMM-së, Ramiz Krasniqi, dhe përfaqësues të tjerë. Në fjalën hyrëse të konferencës së 3-të, Ndërkombëtare Multi-disiplinare për Gjeoshkenca IMGC2021, drejtori i Komisionit të Pavarur për Miniera dhe Minerale, Ramiz Krasniqi bëri të ditur aktivitetin e KPMM si: Administrimin e të gjitha lejeve dhe licencave, shfrytëzimi dhe përpunimi i resurseve minerale në tërë teritorin e Kosovë, si dhe ofrimi i i mundësive të barabarta për të gjithë etj. Qëllimi i kësaj konference sipas drejtorit të KPMM-së, Ramiz Krasniqi është rritja e bashkëpunimit dhe kontributi i saj institucional dhe profesional, ofrimi i mundësive të mira për punime të Gjeoshkencës, dhe rëndësinë e ngritjes së këtij sektori shumë të rëndësishëm për zhvillimin ekonomik të Kosovës.
Këtë vit KPMM, në këtë konferencë, po prezantohet me tri punime shkencore që trajtojnë Legjislacionin Minerar në Republikën e Kosovës, rolin e Sistemit informatikë në këtë sektor dhe Ekonominë Minerare- rasti i Republikës së Kosovës.
Nga Komisioni i Pavarur për Miniera dhe Minerale, prezantuan me punimet e tyre drejtori i KPMM z. Ramiz Krasniqi me temë: “Korniza rregullative e sektorit minerar në Republikën e Kosovës”.
Sami Duraku me temë: “Roli i informacionit në sektorin Minerar të Kosovës”.
Gazmend Morina me temë: ” Ekonomia minerare-rasti i Republikës së Kosovës”
Sipas drejtorit të KPMM-së, Ramiz Krasniqi, kjo konferencë do të ndihmojë të pasqyrojmë gjendjen faktike, zhvillimin dhe ngritjen e produktivitetit të këtij sektori të një rëndësie të veqantë për vendin tonë.
Shumica e pjesëmarrësve të vendeve të rajonit në konferencë prezantuan punimet online për shkak të COVID-19. Konferenca u përcoll nga rreth 50 pjesëmarrës.
Konferenca Multidisiplinare për Gjeoshkenca IMGC2021 u organizua nga universiteti i Mitrovicës “Isa Boletini”, Ministria e Ekonomisë dhe Komsioni i Pavarur për Miniera dhe Minerale.
