Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Skenderajt, Bekim Jashari në shënim të përvjetorit të themelimit të Akademisë së Parë Pshtarake të UÇK-së në Drenicë ka kujtuar dhe vlerësuar kontributin e themeluesve të saj. Ai ka bërë më dije se në atë vend do të ndërtohet një muze. “Në përvjetorin e themelimit të Akademisë Ushtarake të UÇK-së në Aqarevë, kujtojmë dhe nderojmë kontributin e pashembullt të themeluesve të akademisë së parë ushtarake në Kosovë, të prirë nga heroi ynë Bekim Berisha-Abeja e Komandanti Sylejman Selimi. Në këtë akademi u ngritë flamuri ynë kombëtar, nga dëshmorët Fehmi e Xhevë Lladrovci. Pikërisht në atë ditë u bë diplomimi i 11 kadetëve të UÇK-së, trima nga Aqareva dhe vendet përreth, të cilët vazhduan rrugën e Komandantit Legjendar Adem Jashari. Shumë shpejt në këtë vend do të ndërtojmë edhe muzeun e Akademisë Ushtarake, i cili muze do të portretizoj sakrificën dhe qëndresën e pjesëtarëve të Ushtrisë Çlirimtare të Kosovës, për ndërtimin e shtetit tonë. Lavdi gjithë të rënëve për Lirinë e Kosovës!’, ka thënë ai.
