Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Edhe pse shteti i Kosovës nuk ka shpallur gjendje të jashtëzakonshme, madje vetë përmendja e kësaj mundësie nga kryetari Hashim Thaçi, vuri në pikëpyetje koalicionin qeveritar, në veri të Kosovës sot zgjatet ora policore në katër komunat: Mitrovicë e Veriut, Zveçan, Leposaviq e Zubin Potok, të cilat janë duke zbatuar gjendjen e jashtëzakonshme të shpallur nga presidenti serb, Aleksandër Vuçiq. Ai ka urdhëruar që ora policore të zgjatët nga ora 17:00 deri në ora 5:00 e mëngjesit. Policia e Kosovës në veri ka ripërsëritur se i zbaton urdhrat dhe rekomandimet që vijnë nga Prishtina, derisa ka siguruar se gjendja në pjesën veriore është e qetë dhe se kriminaliteti nuk ka rritje. Sipas rekomandimeve të të ashtuquajturave organe të përkohshme (komuna paralele), të moshuarve mbi 65 vjet u ndalohet fare dalja nga shtëpitë. Në veri të Kosovës akoma nuk ka asnjë të infektuar me koronavirus.
