Në Viti është mbajtur diskutim publik për Planin Zhvillimor komunal 2021-2029

07/07/2021 Institucionet

Në sallën e Kuvendit Komunal të Vitisë, është mbajtur diskutim publik rreth Planit Zhvillimor Komunal, me banorët e qytetit të Vitisë, si dhe fshatrave Beguncë, Binçë, Ramnishtë, Buzovik, Lubishtë, Shushtë, Podgorc dhe Debëlldeh. Drejtori për Urbanizëm, Planifikim dhe Mbrojtje të Mjedisit, Ajet Sallahu, në fillim ka folur për rëndësinë e këtyre diskutimeve dhe se propozimet nga qytetarët i ndihmojnë hartimit të këtij plani, në gjithëpërfshirje të prioriteteve që kanë. Ndërsa një elaborim më përmbajtësor të planit për lokalitetet që ishin pjesë e këtij diskutimi, e bëri përfaqësuesi nga UBT prof. dr. Tomor Qelaj. Këto takime që po zhvillohen në disa lokalitete të komunës së Vitisë, po mbahen me qëllim të hartimit të Planit Zhvillimor Komunal, si dokument strategjik multi-sektorial i cili përcakton të ardhmen e zhvillimit ekonomik, infrastrukturës, shfrytëzimit të hapësirave dhe mjedisit, si dhe përcakton kahjet e zhvillimit të komunës së Vitisë, në 8 vitet e ardhshme. Përveç që është bërë prezantimi i këtij dokumenti, ata kanë diskutuar me banorët edhe për rëndësinë që ka ky dokument, për secilin lokalitet dhe për sektorë të ndryshëm.

Kontrolloni gjithashtu

Smajl Latifi: Në 26-vjetorin e rënies heroike përkujtuam dëshmorët e kombit, Visar Hotin dhe Safet Latifin

Kryetari i komunës së Rahovecit, z. Smajl Latifi, në 26-vjetorin e rënies heroike, në vendin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara