Në Viti u shënua Dita Botërore e Mjekut Familjarë dhe Hipertensionit

17/05/2024 Institucionet

Komuna e Vitisë, konkretisht Drejtoria për Shëndetësi dhe Mirëqenie Sociale në bashkëpunim me QKMF-në e Vitisë, sot kanë shënuar Ditën Botërore të Mjekut Familjarë dhe Hipertensionit. Në shënimin e kësaj dite, ekipi i QKMF-së së Vitisë, ka zhvilluar sot një aktivitet në sheshin e qytetit, ku qytetarët kanë mundur nga afër të marrin këshilla të ndryshme mjekësore dhe ta bëjnë matjen e tensionit. Këtë aktivitet e ka vizituar nga afër edhe kryetari i komunës së Vitisë, Sokol Haliti dhe me këtë rast ai u shpreh se puna e mantelbardhëve është e shenjtë dhe jetëshpëtuese. Në këtë aktivitet, janë shpërndarë edhe fletushka me këshilla për parandalimin e hipertensionit apo shtypjen e lartë të gjakut. Mjeku familjarë, jep këshilla dhe ofron ndihmë për të gjitha sëmundjet në përgjithësi duke u përkujdesur në vazhdimësi për mbrojtjen e shëndetit, diagnostikimin e sëmundjes dhe trajtimin e pacientit, udhëzon dhe trajton në mjekimin parandalues të sëmundjes, merret me edukim dhe promovim të shëndetit si dhe kujdeset për pacientin gjatë tërë jetës së tij.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara