Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në zgjedhjet e 9 shkurtit, Lëvizja Vetëvendosje e Albin Kurtit arriti të fitonte, por pa arritur shumicën e nevojshme për të ndërtuar qeverinë e re. Kjo ka sjellë një përballje të fortë me sfida politike, ndërsa përgatitjet për krijimin e një koalicioni janë bllokuar nga refuzimi i partive opozitare për të bashkëpunuar. Reagimet ndërkombëtare për fitoren e Vetëvendosjes kanë qenë të kufizuara. Internacionalja Socialiste ishte e para që e uroi Kurtin për fitoren, duke e cilësuar atë si një pasqyrë të besimit të popullit të Kosovës në liderin e Vetëvendosjes. Sali Berisha, gjithashtu e uroi Kurtin për fitore. Medie të njohura si “The Guardian,” “Financial Times,” dhe “La Corriere” kanë theksuar rritjen e tensioneve ndërkombëtare dhe kritikën ndaj politikave të tij, veçanërisht ndaj një nacionalizmi të ashpër, që është konsideruar si një pengesë për një afrim më të ngushtë me Bashkimin Evropian dhe përpjekjet për të normalizuar marrëdhëniet me Serbinë.
