Nënkryetari Kamberi priti familjarët e ngushtë të Dr.Xhelal Mitrovicës

14/09/2016 Institucionet

Me rastin e shënimit të 100 vjetorit të lindjes së atdhetarit dhe intelektualit të shquar, Dr. Xhelal Mitrovica, nënkryetari i komunës së Mitrovicës, Safet Kamberi, ka pritur familjarët e tij.

Gjatë këtij takimi nënkryetari Kamberi fillimisht ka falënderuar profesorin Fazli Hajrizi i cili ka qenë edhe iniciatorë i organizimit të manifestimit  për 100 vjetorin e lindjes së Dr. Xhelal Mitrovica, dhe gatishmërinë e treguar nga ekzekutivi për të mbështetur iniciativa të tilla në promovimin e patriotëve dhe atdhetarëve shqiptarë.

Këtë takim me pjesëmarrje e nderuan edhe vajzat e Dr.Xhelal Mitrovicës dhe djali Dervishi, i cili ndonëse me vite larg atdheut, tregoi se si babai i tyre i ka rritur me tradita shqiptare dhe se në shtëpinë e tyre zakonet e tradita shqiptare asnjëherë nuk kanë munguar.

Ndonëse të emocionuara , me një shqipe te pastër e cila tingëllonte shumë bukur, vajza Lolita ka falënderuar Komunën e Mitrovicës dhe përpjekjet për të larguar pluhurin i cili ka mbuluar veprat dhe idealin e shumë veprimtarëve shqiptarë, andaj tani ka ardhur koha që të shpalosen meritat dhe kontributi i tyre i cili duhet të jetë edhe udhërrëfyes për gjeneratat e reja.

Ndërsa nënkryetari Kamberi ka shtuar që ne si institucione dhe si komunë  kemi për obligim  që gjeneratave të reja, t’u shpalosim folklorin tone kombëtarë, njerëzit vullnetmirë dhe personalitetet e shquara të çështjes kombëtare.

Kontrolloni gjithashtu

Smajl Latifi: Në 26-vjetorin e rënies heroike përkujtuam dëshmorët e kombit, Visar Hotin dhe Safet Latifin

Kryetari i komunës së Rahovecit, z. Smajl Latifi, në 26-vjetorin e rënies heroike, në vendin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara