Nënkryetari Mazreku, priti reprezentuesin e Kosovës në futboll, Lirim Kastrati

14/11/2017 Institucionet

Nënkryetari i Komunës së Malishevës, Rexhep Mazreku dhe drejtoresha për  kulturë, rini dhe sport, Blerta Krasniqi, e kanë pritur në një takim, anëtarin e reprezentacionit të Kosovës në futboll, Lirim Kastrati, të cilin e kanë përgëzuar për paraqitjen e mbrëmshme në ndeshjen mes Kosovës dhe Letonisë, ku Kastrati, ishte vendimtar në këtë fitore. Mazreku, e ka uruar Kastratit, që të ketë suksese të mëtutjeshme në futbollin profesionist. “Prezantimi juaj në ndeshjen e mbrëmshme, doli të jetë vendimtar për fitoren e Kosovës, kundër Letonisë, pasi ishte ai depërtim, i cili edhe e vendosi fatin e ndeshjes”, tha Mazreku. Ai më pas, e ka përgëzuar edhe për paraqitjet e tij në arenën ndërkombëtare, duke e vlerësuar si njëri nga yjet më me perspektivë të futbollit kosovar. Edhe drejtoresha Krasniqi e ka përgëzuar futbollistin Kastrati, i cili edhe përkundër moshës së re, ka një paraqitje të shkëlqyer në futbollin profesionist në Itali, sikur që është prezantuar shkëlqyeshëm në të gjitha paraqitjet për reprezentacionin e Kosovës. “Ju na bëni krenar neve si Malishevë”, i ka thënë drejtoresha Krasniqi, futbollistit të ri, Lirim Kastrati. Nga ana tjetër, Lirim Kastrati, i ka falënderuar nënkryetarin Mazreku dhe drejtoreshën Krasniqi, për pritjen dhe për vlerësimin që i bënë atij dhe të gjithë futbollistëve malishevas, që luajnë në kampionatet e huaja.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara