leoni

Nënshkruhet marrëveshja e bashkëpunimit me USAID-in për furnizimin e fermerëve me fidanë të dredhëzës industriale

20/06/2018 Institucionet

Gjatë ditës së mërkurë, Kryetari i Komunës së Ferizajt, Agim Aliu i shoqëruar edhe nga drejtori i Drejtorisë së Bujqësisë dhe Pylltarisë, Burim Bajrami kanë nënshkruar marrëveshjen e bashkëpunimit me përfaqësuesit e USAID dhe partnerin strategjik “Agrium” shpk. për furnizimin e fermerëve ferizajas me fidanë të dredhëzës industriale të llojit senga sengana për mbjelljen e 4 hektarëve. Kjo marrëveshje është vazhdimësi e përmbushjes së zotimit të Kryetarit të Komunës së Ferizajt, Agim Aliu për të mbështetur bujqit dhe fermerët ferizajas. Ai u shpreh falënderues për popullin amerikan për mbështetjen që po i japin Komunës së Ferizajt, përmes projekteve të ndryshme të përkrahura nga USAID-i. Edhe drejtori i Drejtorisë së Bujqësisë dhe Pylltarisë, Burim Bajrami falënderoi përfaqësuesit e USAID dhe “Agrium” shpk për mbështetjen, duke u shprehur se investimi në këtë kulturë, është investim në fuqizimin e bujqësisë lokale dhe rritjen e prodhimtarisë, rrjedhimisht rritjen e mirëqenies së kultivuesve të dredhëzës dhe konkurueshmërisë në tregun vendor e të huaj. Ai më tutje tha se projekte të ngjashme do të realizohen edhe në segmente të tjera të bujqësisë. Përzgjedhja e përfituesve të fidanëve të dredhëzës industriale do të bëhet nga Komuna e Ferizajt, gjegjësisht nga Drejtoria e Bujqësisë dhe Pylltarisë në bashkëpunim me “Agrium”, e cila edhe do të ndihmoj fermerët me folinë plastike dhe sistemin e ujitjes pikë pikë kurse USAID dhe “Agrium” do të sigurojnë fidanët.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara