Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Drenasit, Ramiz Lladrovci të premten ka pritur në takim Drejtorin e Islamic Relief Kosova, Dr. Mohamed Soliman, ku edhe kanë nënshkruar Marrëveshje Bashkëpunimi për realizimin e projektit “ujë të pijshëm, për njerëz në nevojë”, përkatësisht hapjen e puseve për banorë të Komunës së Drenasit. Kryetari Lladrovci ka falënderuar drejtorin e Islamic Reliefit, Soliman për bashkëpunimin në realizimin e projektit për ujë të pijshëm, hapjen e puseve për familjet në nevojë dhe ka shprehur gatishmërinë e bashkëpunimit edhe në projekte tjera. Lladrovci ka shtruar si kërkesë mundësinë e gjetjes se donatorëve për ndërtimin e pendës së Vërbocit, pasi që Qeveria e Republikës së Kosovës, këtë projekt e ka lënë në heshtje. Drejtori i Islamic Reliefit, Dr.Mohamed Soliman, ka falënderuar kryetarin Lladrovci për bashkëpunimin dhe ka shprehur gatishmërinë e vazhdimit të bashkëpunimit edhe në realizimin e projekteve të tjera.
