Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Forcës së Sigurisë së Kosovës Haki Demolli me ftesë të Ministrit të Mbrojtjes të Republikës së Hungarisë, István Simicskó ka qëndruar për vizitë zyrtare në Budapest. Të dy ministrat, Demolli dhe Ministri i Mbrojtjes së Hungarisë në emër të Ministrive përkatëse, nënshkruan Marrëveshje të ndërsjellë të Bashkëpunimit ndërmjet dy institucioneve. Në takimin dy palësh ministri i FSK-së, Demolli e ka falënderuar ministrin Simicsko dhe nëpërmjet tij shtetin dhe popullin hungarez për përkrahjen e vazhdueshme për Kosovën, institucionet dhe popullin e saj. Ai, midis të tjerash, ka thënë se Hungaria ka kontribuar në përkrahje të stabilitetit dhe sigurisë në Kosovë e në veçanti duhet çmuar angazhimi i shtetit të Hungarisë në përkrahje të agjendës së Kosovës për anëtarësim në NATO dhe integrim në Bashkimin Evropian. Nga ana e tij, ministri i Mbrojtjes së Hungarisë, Istvan Simicsko e konfirmuan edhe një herë mbështetjen dhe përkrahjen e vazhdueshme të Ministrisë së Mbrojtjes dhe në përgjithësi të Republikës së Hungarisë për Kosovën.
