Nënshkruhet memorandum bashkëpunimi midis Komunës së Ferizajt dhe Shoqatës së të Drejtave të Pacientëve

07/11/2024 Institucionet

Të enjtën Drejtori i Drejtorisë së Shëndetësisë dhe Mirëqenies Sociale në Ferizaj, Dr. Kemajl Emini, së bashku me drejtoreshën e Qendrës Kryesore të Mjekësisë Familjare, Nadire Imeri, kanë pritur në një takim drejtues të Shoqatës së të Drejtave të Pacientëve në Kosovë, përfaqësuar nga Drejtori Ekzekutiv, Agron Bytyqi, dhe Drejtori i programeve, Besim Kodra.

Me këtë rast, është nënshkruar një memorandum që ka për qëllim krijimin e një bashkëpunimi midis Drejtorisë së Shëndetësisë dhe Mirëqenies Sociale (DSHMS) dhe Shoqatës së të Drejtave të Pacientëve për themelimin dhe monitorimin e Këshillit të Pacientëve në Ferizaj.

Palët do të angazhohen në përgatitjen e dokumentacionit, përzgjedhjen e anëtarëve të Këshillit, miratimin e dokumenteve, sigurimin e një hapësire për punë, si dhe angazhimin në zgjidhjen e problemeve që hasin pacientët në shërbimet shëndetësore.

Ky memorandum synon përmirësimin e shërbimeve shëndetësore dhe mbrojtjen e të drejtave të pacientëve.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara