Nënshkruhet memorandum bashkëpunimi në mes Komunës së Ferizajt dhe kompanisë ndërkombëtare të marketingut  Eurostep nga Shkupi

11/05/2022 Institucionet

Këtë të mërkurë nënkryetari i Komunës së Ferizajt, Lulzim Aliu së bashku me drejtorin e Drejtorisë së Zhvillimit Ekonomik dhe Turizmit, Balton Dërguti, kanë bërë nënshkrimin e memorandumit të bashkëpunimit me kompaninë ndërkombëtare të marketingut  Eurostep nga Shkupi të përfaqësuar nga Blerim Rushiti dhe Isak Islami. Përmes nënshkrimit të këtij memorandumi është paraparë mbajtja edhe e një panairi ndërkombëtar që do të mbahet në Ferizaj gjatë muajit korrik. Në këtë panair pritet të marrin pjesë kompani nga vende të ndryshme të Evropës, si dhe kompani vendore. Përpos promovimit bizneset do të kenë mundësi të krijojnë dhe kontakte direkte me bizneset e vendeve të ndryshme, që  do të marrin pjese dhe do të kenë mundësi të lidhin marrëveshje direkte për bashkëpunim të mëtutjeshëm. Panairi ndërkombëtar pritet te mbahet me 2 dhe 3 korrik në Palestrën e Sporteve “Bill Klinton” në Ferizaj, ndërsa bizneset që dëshirojnë të marrin pjesë në këtë panair, mund të lajmërohen tek Drejtoria e Zhvillimit Ekonomik dhe Turizmit në Ferizaj.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara