Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nëse deklaratat e ish-këshilltarit të kryeministrit në largim, shqipfolësit, Shkëlzen Gashi, nuk merren në hetime nga Prokuroria e Shtetit, kuptohet botërisht se edhe në Qeverinë Kurti, Prokuroria vazhdon të jetë nën ndikim politik.
Deklarimet se luftëtarët e UÇK-së kanë vrarë 1000 serbë nga radhët e popullatës civile gjatë dhe pas luftës, në Kosovë, pa paraqitur asnjë dëshmi konkrete, nuk është thjesht një opinion i një gazetari, por është deklaratë politik e këshilltarit politik të kryeministrit në detyrë, i shkarkuar dhe në largim, Albin Kurti.
Prokuroria duhet ta arrestojë, Shkëlzen Gashin dhe ta marrë nën hetime lidhur me të “vërtetat apo shpifjet” e tij dhe të kërkojë nga ai ku i ka marrë burimet për deklarata të tilla, të cilat fyejnë shqiptarët liridashës, familjet e dëshmorëve, invalidëve dhe veteranëve të luftës, fyejnë edhe luftën tonë çlirimtare në përgjithësi.
Anashkalimi i këtij rasti nga Prokuroria do të nxisë reagimin publik të veteranëve e invalidëve të luftës, të cilët me statusin dhe rregulloren e tyre janë të thirrur të mbrojnë vlerat e luftës së UÇK-së nga kushdo që ato sulmohen. Nëse veteranët nuk ushtrojnë kallëzim penal, atëherë duhet të japin përgjegjësi para ish-bashkëluftëtarëve, pjesëtarë të organizatës dhe të konvokojnë zgjedhje të reja të kreut të organizatave të dala nga lufta e UÇK-së.
Në rast se organizatat vazhdojnë avazin se edhe kjo kalon, ka mjaft veteranë të UÇK-së të gatshëm që formojnë organizatat e reja funksionale dhe ta marrin në dorë fatin e vetë, gjithnjë brenda ligjeve për organizim dhe riorganizim të lirë qytetar. (RKL)
